أخنوش في تصريح لكود يرد بقوة على بنكيران: لا مبغيتيناش قولها٬ وأشنو حابسك لتشكيل أغلبيتك الحكومية؟

في رد سريع على كلمة بنكيران التي هاجم فيها حزب التجمع الوطني للأحرار ورئيسه٬ قال عزيز أخنوش في تصريح لكود أن هاد الهجمة اللي رئيس الحكومة وجهها للحزب ديالنا بعد ما اختار اضمارها لاكثر من اسبوع مامفهوماش لا من حيت التوقيت و لا المحتوى. وتسائل قائلا واش هادي هيا الضروف اللي غادي يتشكل فيها تحالف؟ واش هاكذا خاصنا نخاطبو أحزاب اللي نقدرو نكونو شركاء معاها؟.
أخنوش أضاف داكشي اللي كنت خايف منو هاحنا كانطيحو فيه. فاش كنت تلاقيت رئيس الحكومة عبرتلو على ضرورة الانسجام و المقاربة الجدية بعيدا على الكلام الفارغ و التصريحات اللي ماعندها تا فائدة.
وزير الفلاحة والصيد البحري قال " غير كانتساأل، مني رئيس الحكومة ماعاجبوش كلامنا علاش كايتسنانا و شنو كاينتاضر منا و شنو اللي حابسو يشكل أغلبيتو".
و ختم بالقول حنا ما عندنا مشكل، الدستور عاطيه جميع الصلاحيات و كامل الحرية باش يقرر في تشكيل تحالفه و حنا كحزب ماعمرنا نقبلو بأن شي واحد يحاول يلصق فينا مسؤوليتو.