سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
ها هما بداو كيخرجو لشباط. شكون كيتحكم فهاد الاستقلاليين وكيخرجهم واحد واحد ضد شباط. بعد عباس جا حجيرة: علاش ما سمعناش صوتكم باش كان شباط كيشير على بنكيران على الياس على البام على اخنوش
شكون باغي يصفيها لحميد شباط الامين العام لحزب الاستقلال فهاد الوقيتة. شكون باغي فيه الخدمة. علاش كلشي كيتيري فيه دابا. حميد شباط كال تصريحات اخطر بكثير مما قاله عن موريتانيا ولعنو الشيطان ودكرو. كال باللي بنكيران داعش وبنكيران مع النصرة وكال باللي البام فيها بارونات المخذرات وكال نفس الشيء على الياس العماري بعدها سب اخنوش. علاش باش كان كيكول هاد الشي ما تقلقوش ناس حزب الاستقلال، علاش ما عمروهم هدرو. شباط جا للحزب فظرف غريب وخرج من الحكومة في ظروف اغرب وتسنى عباس الفاسي الامين العام لحزب الاستقلال سابقا 4 سنين باش يدير بيان حقيقة حقاش تجبدات اسم مستشاري الملك الراحلة زليخة الناصري والحالي فؤاد عالي الهمة. شباط قال باللي هادو هما اللي جابو لائحة وزراء حزب الاستقلال اللي كانو فحكومة بنكيران 2012. عباس كاليه هاداك الشي كذوب حميد شباط قال في لقاء نقابي داخلي ان حدود المغرب كانت ممتدة حتى نهر السينغال وجا بيان اللجنة التنفيذية وكلشي ساندو. كيفاش يخرج اليوم توفيق حجيرة اللي حتى هو ما سمعناهش ويقول اللا داك الشي ما متفاقينش عليه اللا انا كنعتذر للموريتانيين. باش كتعتاذر علاش ما تسمعش صوتك فاللجنة التنفيذية لحزبك ويبان فالبيان الاخير. تقع امور كثيرة. دابا حتى طاح شباط او اعتقدو الناس انه طاح عاد ناضو يتيريوه فيه. فين هي الجرأة علاش ما ضربتوهش وهو واقف.
