بالصور. ها كيفاش باغيا المخابرات الاسبانية دخل على خط حراك الحسيمة وكاتصيفط عملاءها باش يشوشو على المحتجين

حراك الحسيمة هو ظاهرة صحية خاصها تكون ولكن هاد الحراك كاين جهات باغيا تستاغلو باش دير التشويش على المغرب، ومن بين هاد الجهات المخابرات الاسبانية لي باغيا تقوي فصيل الجمهوريين لي مابقالوش أثر فالحراك بشكل نهائي من بعد ما قضى عليه قادة الحراك الحاليين.
ماسين حرتيت لي خدام فقناة الحزب الشعبي فمليلية والمعروف بقربه من المخابرات الاسبانية نشر على صفحته الفايسبوكية صور لأسلحة رشاشة على علم جمهورية الريف، وقال أنه قريبا في إشارة إلى كفاح مسلح زعما، وزاد انه دار حوار مع ثوار لييا الامازيغ لي أكدوا أنهم غايساعدو الريفيين باش يديرو جمهورية ديالهم.
الحراك فالحسيمة ماعندوش أهداف ديال التقسيم وعندو أهداف أعلن عليها، ولكن كاين شي جهات باغيا دخلو فالنفق المظلم باش تنوض الفتنة لي أصلا الحراك حاربها من اليوم الاول.
حرتيت وبزاف ديال الناس معاه كيخدمو لجهات أجنبية من بينها المخابرات الهولندية والاسبانية بداو كيجيو للمغرب من بعد الحراك وكيحركو الناس ديالهوم باش يوجهو الحراك، وكان الخطأ الكبير هو تسليط البلطجية لي خلا هاد العملاء والانفصاليين يرجعو يبانو مرة أخرى.