واش عندها علاقة بالازمة الحكومية بعد حرب البيانات البارح؟ المجلس الوزاري تأجل الثلاثاء

كان متوقعا ان يعقد اليوم الاثنين مجلس وزاري ثم مجلس حكومي للتوقيع على عدة اتفاقيات تهم افريقيا تسبق استعدادات المغرب للعودة الى الاتحاد الافريقي نهاية الشهر. كما كان يتوقع ان يتم المصادقة على شي تعيينات. هاد الشي كان البارح فالصباح. لكن فالعشية تم الاعلان عن تأجيل المجلس الوزاري الى يوم الثلاثاء وفق مصدر "كود" فيما سيتم الاحتفاظ بالمجلس الحكومي.
هاد التأجيل يمكن عندو شي علاقة بالازمة غير المسبوقة اللي وصلات ليها الحكومة اللي تكلف باش يصايبها بنكيران. فظهر امس الاحد خرجات 4 احزاب سياسية اللي كانت على الاقل 3 منها غادية تشارك فالحكومة باش دير باراج وتشكل حاجز امام بنكيران وتشكيله للحكومة. احزاب الاتحاد الدستوري والتجمع الوطني للاحرار والحركة الشعبية والاتحاد الاشتراكي قالو ما معناه لبنكيران بغيتي دير حكومة هاد شروطها وقبلنا كاملين. الرسالة كانت صادمة حتى رئيس الحكومة المعين رد فالبلاصة وقال لعزيز اخنوش رئيس التجمع ومحاند العنصر ديال الحركة =بجوجهم كانوا معاه واتفاقو يدخلو معاه للحكومة وكانت المفاوضات غادية مزيان= صافي سدينا ما غاديش نفاوض معاكم. بيان غير مسبوق في التاريخ السياسي المغربي المعاصر.
دابا تدخل الملك باعتباره رئيس الدولة خاصو يكون. بنكيران ما استاقلش. المجلس الوزاري يقدر يكون مناسبة تغير قواعد المفاوضات اللي كانت عبثية بزاف. جزب شاد تقريبا كاع الاحزاب يرفض دخول الاستقلال للحكومة ويفرض الاتحاد الاشتراكي. بنكيران فهم بان التفاوض خاصو يكون مع اللي كيدخل فهاد الشي كلو عن بعد