على هاد القبل الحكومة معمرها تشكل.. العنصر ل"كود": الاتحاد الاشتراكي خاصو ضروري يكون فالحكومة وها علاش

يبدو أن النسخة الثانية من حكومة عبد الإله بنكيران لم ترى النور إطلاقا. فبعد تجديد بنكيران تأكديه اليوم السبت على أن الاتحاد الاشتراكي "معمرو غادي يكون فالحكومة وأنه ينتظر رد أخنوش والعنصر باش يشكل الحكومة بالزربة"، قال الأمين العام لحزب التقدم والاشتراكية أن موقف حزبه عير عنه في وقت سابق ومغاديش يبدلو.
وقال العنصر، في تصريح ل"كود": "الحكومة خاصها تكون بأغلبية موسعة ومريحة باش يمكن الحكومة تشتغل بأريحية وهاد الموقف مزال مغيرناه وبالفعل خاص الاتحاد الاشتراكي يدخل للحكومة حيتاش بقا غير هو على برا وحتى الاتحاد الدستوري".
ومدام أن حزب الاستقلال غير معني، يقول العنصر ل"كود" :"حنا كنقولو بأن أغلبية ديال 201 غادي يكون صعيب تشكل فيها الحكومة". وبصفة إجمالية يشرح العنصر، قائلاً: "غادي دير أغلبية من 201 والأغلبية هي 198 يعني كل قرار غادي تبغي دوزو فالبرلمان خاصك تبقا حاضي عنداك يمرض شي حد أو عنداك يسافر شي واحد وهدا ماشي عمل وهادشي علاش كنقولو خاص يكون واحد الهامش اللي يجعل الحكومة تكون مريحة".