سرق حتى البوليس.. شفار ديال الطوموبيلات كيسرقم ويغبرهم تا كيخلصوه ماليها عاد يوريها ليهم!

علمت "كود" أن المصلحة الولائية للشرطة القضائية بولاية أمن مراكش، تمكنت من إيقاف واحد من أخطر لصوص السيارات بالمدينة متخصص في سيارات "فياط أونو".
هاد اللص المحترف، سرق 40 سيارة أونو، وكان كياخد أرقام هواتف أصحاب السيارات من شركات التأمين وكيقوليهم لأصحابها فين كاينة، بعد أن يتسلم تحويلات مالية عبر "وفا كاش" وصلت إلى 5 آلاف درهم مع بعض الضحايا مستغلا بذلك بطاقة وطنية ضائعة لشخص آخر.
وسبق للأمن إيقاف صاحب البطاقة الوطنية، لكنه أكد أنها ضاعت له وأشعر الأمن بضياعها دون أن يكون متورطا في السرقات.
اللص مشا بعيد، سرق حتى البوليس، وخاذ لواحد فيهم الأصفاد المهنية ديالو، بعدما دا ليه تا فياط أونو ديالو.
وحجز الأمن عشرات المفاتيح الخاصة بسيارة أونو بمنزل المتهم بحي المسيرة، وأسلحة بيضاء و وثائق سيارات مزوة وهواتف نقالة وشارات من الثوب تعود للشرطة، وكذا أجهزة راديو تعود للسيارات المسروقة.