عاوننا يرحم بوك. الحموشي فالايليزي. تلاقى مع ماكرون 2 مرات

افادت "موند افريك" ان عبد اللطيف الحموشي باطرون المخابرات الداخلية "الدي اس تي" بالاضافة الى منصب المدير العام للمديرية العامة للامن الوطني تلاقى قبل اسبوعين بالرئيس الفرنسي ايمانويل ماكرون.
حسب المصدر نفسه فان الحموشي كان في زيارة الى فرنسا للقاء نظرائه وعقد لقاءات مع مساعدي الرئيس اللي باغي يهيكل كلشي هاداك الشي ديال المخابرات عندهم٬ وفهاد الزيارة تلاقى بماكرون.
طبعا ماشي هي هادي المرة الاولى اللي تلاقاه٬ فحسب "موند افريك" باش كان فرمضان الاخير تلاقاه قبل ما يفطر مع محمد السادس.
الحموشي اللي كان بسبابو الازمة الخايبة اللي عرفاتها فرنسا والمغرب فبداية عهد هولاند على خلفية شكاية لشخص ضده دابا ما بقاش غير الوسام ولى اللقاء المباشر واللي عندو معاني كثيرة منها "حنا فرنساويين محتاجينك تعاوننا حقاش كتفهم مزيان فالارهاب وعاونتينا وزيد عاوننا".
وكانت جريدة "لوجورنال دو ديمانش" كما نقلت "كود" في وقت سابق اشارت خلال زيارة ماكرون للمغرب ان من بين الاسباب تكثيف التعاون الاستخباراتي بين الدولتين واشادت بالخبرة المغربية