واش بصّح الوزير التجمعي بوسعيد عيّن مقرب منو فمديرية التوقعات والدراسات؟.. مقرب منه ل"كود": هادشي حشومة وراه كاين اللّي باغي الخدمة فالوزير

بعد الحملة المسعورة التي تشنها بعض الجهات على نبيل بنعبد الله، وزير إعداد التراب الوطني والتعمير والإسكان وسياسة المدينة، خرجت أخبار تفيد بأن القيادي التجمعي محمد بوسعيد وزير الاتقصاد والمالية بتعيين أحد أقربائه على رأس احد أهم المديريات بوزارة المالية، وهي مديرية التوقعات والدراسات الاقتصادية التي تولى مسؤوليتها سابقا على التوالي كلا من الاقتصادي الشافقي ومولين.
ورفض وزير الاقتصاد والمالية الرد على هاد الاتهامات، قبل أن يفند مقرب منه الأمر، وقال المصدر ل"كود": "هادشي حشومة وعيب وهادشي مكاينش منو كاع ومطلقوش غير هاد الاشاعة راه كتبو فالأسبوع الصحفي بأن صهر الوزير تم تعيينه هو الآخر على رأس "CMR" لكن هادشي مكاينش والوزير مغاديش يرد على شنو كتبو ف الفايسبوك".
وأضاف المصدر: "وأكثر من ذلك السيد اللّي كتب داكشي فالفايسبوك ترشح 4 ديال المرات باش ياخد مديرية التوقعات والدراسات وتقدم حتى لصندوق التقاعد وتقدم لمكتب الصرف ومني مدازش نايض كيطلق فالاشاعات المغرضة وواش هدا نقدرو نعطيوه شي قيمة".
"هاد الاشاعات تُؤكّد على شيء واحد هو كاين شي واحد باغي الخدمة فالوزير بوسعيد لا سيما فهاد الظرفية الحسّاسة"، ينهي المصدر المقرب من القيادي التجمعي ل"كود".