اشناهي المجموعة الاقتصادية لدول غرب افريقيا ؟علاش المغرب بغى ينضم لها ؟ و شنو هو مصير الدرهم المغربي؟

—
في 28 ماي 1975، بموجب معاهدة لاغوس،تكونات المجموعة الإقتصادية لدول غرب افريقيا لّلي هي منظمة حكومية دولية في منطقة الغرب الافريقي.
الهدف الرئيسي منها هو ان هاد دول غرب أفريقيا يتعاونو و يتكاملو من أجل رفع مستوى معيشة شعوب ديالها، و يحافظوا على الاستقرار الاقتصادي، و باش يساهموا في تقدم وتنمية القارة الأفريقية . بالاضافة لهاذ الهدف الإقتصادي كاين واحد الارادة سياسية للحفاظ على الاستقرار الامني في المنطقة وذلك من خلال إنشاء وحدة للتدخل العسكري سميتها ECOMOG
تضم هاد المجموعة 15 عضو






أشناهوا الوضع الاقتصادي ديال هاد المنطقة؟
في واحد التقرير صدراتو اللجنة الاقتصادية لأفريقيا التابعة للأمم المتحدة في مارس2016 كيقولو فيه ان منطقة افريقيا الغربية عرفت واحد التحسن طفيف في النمو الاقتصادي ففترة 2016 2015- و كتحتل المرتبة الثانية اقتصاديا في القارة بعد منطقة افريقيا الشرقية. كتوكد على ان نيجيريا هي الاولى في المنطقة بواحد الناتج محلي اجمالي كيوصل ل 480 مليون دولار امريكي، و هادشي رغم تدهور سعر النفط.
في الرسم البياني كنشوفو معدل الناتج المحلي الاجمالي الحقيقي لأعضاء هاذ المجموعة:














اشنو قصة ديال هاد العملة الموحدة ديال هاد المنطقة؟

على خطى الاتحاد الأوروبي؛ مكرهاتش افريقيا الغربية تدير عملة واحدة من هنا 2020. ولكن كلشي المؤشرات كتقول العكس يعني التفاوت بين اقتصادات الدول الاعضاء و التباعد ديالها كيصعب هاد القضية.
سنين و هاذ المشروع ديال العملة الواحدة مجرجراه دول افريقية الغربية؛ تكلمو علي ف2000 من بعد عاودو دواو عليه ف 2005، و موراها ف2015. ف هاذ 2015، خرجوا بقرار تاريخي الي هو انشاء معهد للنقد ديال دول افريقية الغربية فسنة 2018.
المشروع طموح و مزيان لانه غيزيد في التدفقات التجارية ؛ غينقص ليهم من تكاليف المعاملات في التبادلات التجارية الدولية . راه دابا عندهم في هاد المجموعة 8 ديال العملات المختلفة و الي من ضمنها الفرنك cfa . الشيء الي كيعيق و كيأثر سلبا على نمو هاذ الدول.
يعني بمعنى اخر صعوبة هاد التحدي كتجلى فتوحيد اقتصاديا منطقة الفرنك CFA الي تضم 8ديال الدول و زيد عليهم دوك 7 الي بقاو الي كل واحد فيهم عندو العملة ديالو.
المعايير الأساسية من اجل تقليص الفارق بين اقتصادات هاد الدول هي:
خاص معدل التضخم يكون قل من 5%، العجز في الميزانية الحكومية يكون قل من 4%، تمويل عجز من طرف البنك المركزي في حدود 10%، و الحفاظ على احتياطي العملة الصعبة. ف هاد المنطقة كاينا نيجيربا بوحدها للي فيها هاد الشروط بربعة و ما تبقى راه والو.
من هادشي نقدرو نقولو ان من المستحيل توجد هاد العملة من هنا 3سنين .
و المغرب؟
أش غادي يربح المغرب بالانضمام ديالو للمجموعة الاقتصادية لدول غرب افريقيا؟ و اش رابحة هاد المجموعة بقبول بلد مغاربي؟
المغرب الّي على حد علمي جغرافيا مكاينش فافريقيا الغرببة؛ ولكن خدا موافقة مبدئية باش يدخل للمجموعة، خاصهوم مينساوش يبدلو السمية.
المغرب حاضر بقوة في غرب افريقيا كمستثمرحيث توجد العديد من قطاعات الاقتصاد المغربي غي هاد الدول يعني هاد الانتماء للمجموعة راه مساير للاستراتيجية الافتصادية المغربية. 62,9% من الاستثمارات الخارجية ديال المغرب راه كتم داخل القارة. وهو المستثمر الاول في الجزء الغربي من افريقيا. و La CEDEAO راه الشريك التجاري الاول للمغرب.
و منساوش ان ها المجموعة راه كتمثل سوق د 320مليون مستهلك .
و من جهة اخرى راه المنظمة الافريقية تاهيا غتستافد من الخبرة ديال المغرب في الفلاحة و غادي تضمن بالتالي أمنها الغذائي. زيد علبها غادي تمكن هذه المجموعة من الولوج الى البحر الابيض المتوسط. كاين حتى واجد المشروع ديال انابيب الغاز gazoduc ما بين نيجيريا و المغرب و أوربا ف 2022.
و كنظن انه كاين بعد سياسي؛ هاذ الدول الافريقية راها اعضاء ف منظمة" الاتحاد الافريقي " غادي يكون عندهم تاثير في قضية الصحراء المغربية.
و كيف قال صاحب الجلالة في الخطاب الاخير لثورة الملك و الشعب؛ ا"ن سياسة المغرب القارية ترتكز ايضا على المصالح المشتركة مع افريقيا من خلال شراكات تضامنية رابح-رابح. و اكد على ان افريقيا هي المستقبل، و المستقبل يبدأ اليوم".


ايت الفاقيه ماريا