الفيزازي عن منع ترشح القباج: كان خاصو يسحب الترشيح ديالو بلا هاد الضجة والبيجيدي مخاصهاش تعطيه التزكية من الاول وها علاش

كول واحد عندو قراءة خاصة ديالو حول القرار المفاجئ ديال عمالة مراكش اللي منعات القباج من الترشح باسم البيجيدي فالانتخابات المقبلة لكن اللي خاص ناس تفهم ان قضية القباج راه فيها خرق واضح للقانون.
امحمد الفيزازي ففي جوابه على سؤال عن رأيه في قضية القباج قال ل"كود": سي القباج كان دار أشرطة فيديو ودارت ضجة كبيرة وكتمس بصورة البلاد وهاد الاشرطة فيها دعوات صريحة للقتل حيتاش كان قال ان اليهود خاصهوم يتقلو".
وأضاف الشيخ الفيزازي قائلاً: "مصالح البلاد فوق كولشي لا سيما مع اوروبا والغرب عموما والمغرب مابغاش تمس الصورة ديالو فمجال حقوق الانسان والحريات وزيد وزيد وكنت أتمنى من القباج يسحب الترشيح ديالو بنفسه على اعتبار ان مصلحة البلاد أعلى من كل شيء".
الشيخ السلفي قال ل"كود": كان على البيجيدي يفهم القضية فالاول وكان خاصو يتراجع عن منح تزكية للقباج فالانتخابات الجاية بلا هاد الضجة ودبا هادشي اللي دارت العمالة ديال مراكش منطقي حيتاش الدولة حريصة على مصلحة البلاد وهذا واجب ديالها".
وأنهى الشيخ الفيزازي حديثه مع "كود" داعيا القباج بالتوجه إلى القضاء يلا كان حس بشي نوع من التعسف.