ماتش الوداد وبركان مغاديش اتلعب نهار الأحد البرمجة عوتاني أجلاتو

قررت لجنة البرمجة بالجامعة الملكية المغربية لكرة القدم تأجيل الماتش لكان غادي اجمع الوداد الرياضي بمضيفه نهضة بركان، برسم إياب دور ثمن نهائي كأس العرش.
الوداد مني شافوا البرمجة أجلات الماتش ديال الرجاء مع الفتح، حيحوا حتى هما باش اجلوا الماتش ديالهم مع بركان، لأن الوداد عندهم حتى هما لاعبين في المنتخب الوطني الأول، واضطرات لجنة البرمجة باش تأجل ليهم الماتش كيفما أجلاتو للرجاء.
المباراة كانت غادي تلعب الأحد مع الثالثة عصرا، دابا غادب تلعب نهار الخميس في نفس التوقيت، وغادي تكون حاسمة في الفريق لغادي اتأهل لنصف نهائي كأس العرش، بعدما سلات مباراة الذهاب بالتعادل هدف لمثله.
الوداد مطالب أنه اسجل على بركان لأنه إلى سالا الماتش بصفر لصفر، غادي تأهل الفريق البركاني على اعتبار أنه سجل على الوداد في الملعب ديالهم.
المباراة المقبلة غادي تكون أحسن من الأولى لأن عمومة غادي العب باللاعبين الأساسيين ماشي بحال الماتش لفات لعب غير باللاعبين الاحتياطيين.