نايضة فالرجاء عوتاني حسبان شبع سبان فبودريقة: انت مضلل كذاب وها قصة 300 مليون

أصدر المكتب المسير للرجاء بلاغ جديد هاجم فيه بودريقة وسبع فيه سبان، وحملوا مسؤولية تضليل الجمهور والتشويش على الفريق.
البلاغ التوضيحي كيفما سماه المكتب المسير صدروه باش اردوا على بودريقة لكيقول أنه حط 300 مليون سنتيم في الحساب ديال الرجاء، باش اخفف من الدين لخاص الرجاء الخلصوا لمؤسسة بنكية وكيتقدر بحوالي 850 مليون سنتيم.
وفي الوقت لكيقول بودريقة أن حط لفلوس لتخفيف من الدين، خير المكتب المسير ببلاغ توضيحي كيكذب فيه هاد الأخير، وكيأكد أن بودريقة حط لفلوس في حساب محجوز عليه، ودار هادشي غير لمصلاحتو لأنه خاص من الحجز على الممتلكات ديالو كاملة ، خصوصا أن بودريقة كان حاط ضمانات شخصية عند البنكة باش اياخد تشهيلات باش اخلص اللاعبين مني كان رئيس للفريق.
واعتبر المكتب ديال الرجاء أن كلشي هادشي لكيدير بودريقة هو تضليل وافتراء لا أساس له من الصحة، وأن الهدف منو هو زرع الفتنة بين اللاعبين.
واعتبر المكتب المسير أن كلشي المجهودات لكيقوم بيها دابا غير باش احل المشاكل لخلا بودريقة الرجاء غارقة فيها ومشى فحالو.