ناري حسبان هزو لما المسيرين لمعاه غادي اديرو جمع عام باش اجريو عليه

أعضاء المكتب المسير للرجاء قررو باش اديرو جمع عام استثنائي في 12 من أكتوبر المقبل، الغرض منو هو انتخاب رئيس جديد، وغادي اجريو على حسبان، لحلف ميتخلى على المنصب ديالو.
المسرين دارو بلاغ وصل ل"كود"٬ قالو فيه مني عيينا كنقنعوا فحسبان باش اعطينا التساع ومبغاش امشي، غادي نديرو جمع عام استثنائي، وغادي نتاخبو رئيس ومكتب مسير جديد، باش حسبان امشي فحالو، ودابا حسبان بقى بوحدو مني تخلاو عليه المسيرين لمعاه، وغادي احاول اضارب باش احافظ على المنصب ديالو.
وغادي اكون نهار 12 اكتوبر حاسم باش في تاريخ الرجاء باش اجريو على حسبان، لكلشي باغيه امشي ولكن هو متشبث باش ابقى، وخا سبق وقاليهم الى لقيتو رئيس أنا نمشي فحالي ولكن مني سمع أن بودريقة هو لمرشح مع الخلفاوي، حلف ميخليهم اياخدو بلاصتو، وقرر اكمل في الرئاسة.
ومني فشلو المنخرطين في الإطاحة بيه، في الجمع الاستثنائي الأخير، دابا جا الدور ديال المسيرين، لعارفين أنه إلى بقا حسبان غادي ابقاو المشاكل ومغاديش اعطيوهم لفلوس لا المستشهرين لا المنخرطين لباغين اساعدو الرجاء.