بنعبد الله ل"كود": مكاين لا مشاورات لا والو دبا حتى نشوفو شنو كاين انهار السبت واش غادي نبقاو فالحكومة او ننساحبو

قال الأمين العام لحزب التقدم والاشتراكية، محمد نبيل بنعبد الله، في تصريح ل"كود"، انه "مكاين لا مشاورات دبا لا والو حتى تشوف اللجنة المركزية ديال الحزب واش غادي نبقاو فالحكومة الحالية أو غادي ننساحبو".. المكتب السياسي ديال الكتاب كان قد قرر عرض استمرار الحزب في المشاركة في الحكومة الحالية على أنظار اللجنة المركزية المقرر التئامها في دورة استثنائية بتاريخ 4 نونبر المقبل.
زعيم "البي بي إس" اللّي تعفى هادي أيام قليلة من وزارة التعمير والإسكان بسبب تقارير =مشدّاش كاع= أضاف ل"كود": "مزال مغادي نقولو حتى شي حاجة فالمشاورات الجديدة ديال الحكومة حتى يدوز انهار السبت ونشوفو القرار اللّي غادي نخرجو بيه وديك الساعة يحن الله".
المهم غادي نساينو السبت ونشوفو التقدم والاشتراكية شنو كيطبح فالبيت الداخلي ديالو .. واش غادي يدخل للحكومة او غادي ينساحب منها وراسو مرفوع بعد إعفاء أمين الحزب بنعبد الله من وزارة التعمير والاسكان واعداد الترابي الوطني.