والي الرباط ما دار حتى خطأ باش استقبل المنتخب وعنق الياس. الديفو فزعيم البام اللي عارف فرحة داروها اللعابة ولقجع ورونار وهما اللي خاصهم ينزلو فالاول

كاينة انتقادات لوالي جهة الرباط سلا زمور زعير محمد امهيدية على طريقة سلامو على الياس العماري رئيس جهة طنجة تطوان الحسيمة فالساعات الاولى من يوم الاحد الماضي. الياس كان فبيزنس كلاص ديال الطائرة اللي جابت المنتخب. نزولو من الطيارة هو الاول وسابق رئيس الجامعة فوزي لقجع كاع وكانت الكاميرا ديال الاولى ودوزات داك الشي. ماشي ميساج سياسي كيبان لي غير الفرحة وصافي خلات الناس دايخة. امهيدية دار خدمتو واستقبل وفد واللي نزل فالاول سلم عليه. طبيعي حتى هو كان كيتفرج وكان متفاعل واخا مسؤول عاجبو الحال ديك الليلة. عنق وباس. الميساج ديالها خايب ولكن كاينة حسن النية خاصة انه كيعرف امهيدية.
الخطأ دارو باش خلاو الياس يجي فالطائرة الرسمية للمنتخب. ما عندوش الحق ما كانت يكون فهاديك الرحلة. الوحيد اللي خاصو يكون ويبان من المسؤولين هو رئيس الجامعة فوزي لقجع. لقجع فالماتش كولو وقبل منو كان تالف دايخ. شافتو "كود" فابيدجان ونهار الماتش. ما كانش عاقل على راسو. كان خاصهم ينبهوه باللي هادا خطآ صحابو. ما كانش عليه يخليه يتلاقى مع اللعابة ولا يسلم عليهم قبل الماتش وبالاحرى يهدر مع امرابط الصغير بالريفية.
فالفرحة كاين اللي كيستغل الظروف بتحسين صورتو لاظهار قوتو. الديفو فالتنظيم باش ما يخليش ها دالنوع يبان فهاد المناسبات