تيار الاستوزار فالعدالة والتنمية يرتكب مجزرة قانونية في حق بنكيران. فسرو قانون بالتصويت في سابقة وشوهة للاحزاب المغربية

كشفت مصادر من حزب العدالة والتنمية ان الاجتماع الاخير للامانة العامة ديال الحزب لي ماكانش مقرر اصلا، سعى الى انعقاده تيار الاستوزار كما سبق ان نشر موقع كَود.
وأكدت مصادر الموقع ان رئيس المؤتمر الوطني جامع المعتصم يا حسرة هو لي مشا عند بنكيران ودا معاه شي واحد سميتو نبيل الشيخي، باش يطرحو على بنكيران انه كاين نقاش قانوني حول المادة 105 من النظام الاساسي، وخاص الامانة العامة دير ليها شي تفسير.
المصادر تقول بان بنكيران قاليهم ديرو لي بغيتو، وفعلا انعقدت الامانة العامة امس الخميس برئاسة سليمان العمراني المعروف بانقلابه على رؤسائه في الحزب حيت سبق له ان انقلب على سعد الدين العمثاني فمؤتمر 2008.
هاد الاجتماع فالوقت لي كان خاص تدير فيه الامانة العامة قراءة قانونية فالمادة 105 ولي عتابروها قانونيين انها لا تسقط حق بنكيران في تولي الامانة العامة من جديد، مشاو تيار العثماني وصوتو على كونها لا تعطي لبنكيران الحق في تولي منصب الامين العام لولاية ثانية.
دابا هادو ومنهم وزراء ياحسرة كيفاش غادي تيق فيهم الدولة وهي كاتشوف انهم كايرتاكبو مجازر قانونية فحق زعيمهم ولي بفضله اصبحوا وزراء؟ واش كاين فالعالم شي قانون يتم تفسيره باللجوء الى التصويت؟
كايظهر ان هادو بقاو ليهم غير قلوب المغاربة يطخلو ليها يخرجو منها بنكيران