عفاف برناني: ما عندي حتى فيديو واللي طلق علي لكذوب ندعيه وكينتاقمو مني حقاش ما بغيتش نشهد زور والله لا شهدت

قالت عفاف برناني احدى المصرحات فقضية بوعشرين باللي غادية تتابع قضائيا كل واحد جبدها وطلق عليها لكذوب. برناني نشرت تدوينة على صفحتها اكدت ان “داكشي اللي توقعتو هو اللي وقع، توقف ضد الزور حاجة ماشي ساهلة، وتدعي ضابط في المغرب بالاضافة انه يتحكم عليك السجن ما يكفيش..قلبهم ما بردش ودازو لمرحلة اخرى هي تشويه السمعة”
واوضحت انها كانت البارح فالمحكمة باش تشوف المحامي ديالها “شي وحدين شافوني تما ترونو؛ شفتها في عينيهم وقلت الله يدوز هاد الليلة على خير
شوية بداو كيقولو راه إحدى المشتكيات وراوها الفيديو ديالها وقالت ليهم هادي راها عفاف ماشي انا”
واكدت انه امام استهدافها ستقاضي كل من كذب عليها “من البارح بدات حملة في الإعلام ضدي كيقولو راه عندي فيديو..كيكذبو علي في هذا الشهر الفضيل وهو ما حتى الفرقة الوطنية ما نسبات لي حتى فيديو حيث فعلا ما عندي حتى فيديو والله شاهد على ذلك”
واضافت ساخرة “سبحان الله..الفرقة ما عرفاتش الفيديو ديالي وهي اللي عرفات كلشي البنات وجاو المحامون ديال المشتكيات والصحافة ديالهم وبداو يروجو لهادشي وبمصدر مجهول..طبعا حيث ما عندهمش القدرة يقولها بوجه مكشوف”
وختمت “غادي نمشي المحكمة ضد كل واحد فيهم”
واضافت “كنقول بأعلى صوتي ووجهي حمر ما عندي حتى فيديو وما عندي حتى علاقة لا مع الأستاذ بوعشرين ولا غيرو والى عندكم شي فيديو كيف كتقولو انا كنقول لكم نشرووووووه نشروووووووووه” ثم اكدت “والله ما نشهد وزوووووور. الحبس حكمتو عليا. والشوهة والظلم بديتو فيه. عندي الله”