شكون كيدير السيبة فلبلاد. شيفور ديال كاميو عندو بلاكة ديال الدولة دار الفتنة فتطوان وابوزعيتر خرج مور حفل الولاء كيطير بالسيارة وكيعطي الاوامر

هادوك لي كيجيو مع الملك فزياراتو الرسمية كاتكون زايدة فيهم نغزة، وشايفين راسهوم أكثر من الشعب رغم أن الملك كيحتارم القانون، ومشحال من مرة وقف فالسطوب بحال بحال لمغاربة، وكيف كيقولو لمغاربة :”عمرك توحل مع مول الشي، الوحلة مع الشاوش”.
اليوم مع نص نهار فتطوان، شيفور ديال كاميو دار فتنة فالطريق، بدا كيكلاصوني بالجهد، باش يأمر البوليسي يوقف سائق سيارة.
البوليسي شاف المنظر تخلع وهو يوقف السيد وخذا ليه لوراق، فالوقت لي شيفور الكاميون وقفو فوسط الطريق ونزل ىبدا كيهلل على سائق السيارة.
المنظر فاجئ المارة، بينما تسمر الشرطي يراقب ما يحدث، قبل أن يطلب حضور مسؤول امني اعلى منه.
المشهد استمر في جدل بين الشخصين، بينما كان يحاول سائق السيارة استعطاف الطرف المشتكي والاخير يتمنع، إلى أن حضر المسؤول وتم الصلح بين الطرفين.
في ذات السياق البطل أبو زعيتر بالامس وبعد حفل الولاء، خرج من لقصر بسيارته بسرعة كبيرة وكيأمر الناس يحيدو وكيعطي الاوامر، بحال يلا السيد رجع المسؤول على البروتوكول الملكي، هادشي فاجئ الناس وخلاهوم مافاهمين والو، واش ابو زعيتر صاحب الملك أو مسؤول فهاد الدولة وتاواحد ماعارف شي خبار؟!.