خاص. ها سبب الروينة لي كاتكون فشاطئ الوطية والبوليساريو كرات ديور لعائلات اكديم ايزيك

أفصح مصدر مطلع ل”كود” أن جبهة البوليساريو عملت على تأمين عطل صيفية لعائلات محسوبين عليها كعائلات اكديم إيزيك ومدانين في قضايا ذات ارتباط بالحق ونشطاء ديالها بشاطئ الوطية قرب طانطان.
وقال مصدر “كود” ان البوليساريو مولات هاد العطل بالفلوس ودارت إنزال بشاطئ الوطية، حيث قامت بتأمين السكن لمدة شهرين ليهوم مع تخصيص مبلغ مالي لكل عائلة باش تصيف ونفس الوقت دير البلبلة فطانطان.
هادشي دارتو جبهة البوليساريو في إطار استراتيجية مسخر ليها فلوس صحيحة وباش تكافئ هاد الناس لي أغلبهم من العيون والسمارة على التخريب لي كيديرو على طول العام، وباش تقوي علاقتها بيهوم. يعني كلشي بثمنو ولي درتي غادي تخلص عليه. ولكن هادشي غاب فحالة المدان فملف اكديم إيزيك محمد الايوبي لي مات فالسبيطار ما داها فيه حد وزادو شهرو بيه فلحظاتو الاخيرة بفيديوات قاسية بزاف ما يقدرس الإنسان يتفرج فيها فقط لأنه ينحدر من جهة كلميم وادنون.
مصدر “كود” أفاد بأن هاد الناس استاغلو الصيف لي مدوزين على حساب البوليساريو. وبداو كيديرو الصداع ويرهبو المصطافين. ويتبادلو الرشق بالحجارة مع القوات العمومية ويوسعو دائرة الصراع لطانطان حسب التعليمات لي عطاوهم.