“كود” تنشر الأسماء اللي غادي يترشحو لخلافة العنصر على رأس الأمانة العامة ديال الحركة الشعبية

حصلت “كود” على أسماء المترشحين لخلافة امحند العنصر على رأس الأمانة العامة لحزب الحركة الشعبية واللي من المرجح أن يعلنو عليها فالمؤتمر الوطني الثالث عشر ديال الحزب اللّي مابقة ليه والو.
فحسب مصادر “كود”، فإن المرشحين لخلافة العنصر كاين 3 أسماء لحدود الساعة ويقدر يتزادو ويقدر ينقصو. كان واحد منهوم باغي يترشح واللي هو مبديع رئيس الفريق الحركي بمجلس النواب لكن هداك باين ورقة محروقة.
ويتعلق الأمر بكل من محمد حصاد وزير التربية الوطنية السابق اللي عصف بيه الزلزال الملكي، ومحمد الأعرج وزير الثقافة والاتصال اللي عندو شعبية كبيرة فالحزب وعارف التنظيمات مزيان وكولشي كيبغيه، والسعيد أمسكان رئيس اللجنة التحضيرية ديال مؤتمر الحزب.
المهم دبا هادو لي مطروحين لخلافة العنصر باين غادي يبقا الماتش بين العنصر والأعرج حقاش هاد أمسكان نكرة ومعندة ميقدم للحزب. وزير التربية الوطنية السابق كيخدم مزيان ويتحرك لكن معندوش دراية بالعمل الحزبي بزاف.. المهم نساينو شكون غادي يقود السفينة ديال الحزب لي عوجها أوزين لي عايش فأكبر ريع والمرأة القوية والنافذة فالحزب العسالي لي فارضة راسها صحّة على العنصر.