الغزالي الكاتب العام ديال وزارة الاتصال مشا للطاقة والمعادن وبلاصتو منيّش عليها التهاني اللي حاس براسو اكبر من الوزير وحارب بزاف الكاتب العام

محمد الغزالي الكاتب العام ديال وزارة الاتصال اليوم الخميس تعين بشكل رسمي كاتبا عاما جديدا لوزارة الطاقة والمعادن والتنمية المستدامة. الغزالي راضية عليه امو بعد ما مشى من هاد الوزارة بعد حرب طويلة دارها ليه سيدهم عبد الاله تهاني اللي شاد منصب بلا ما يدير والو.
المنصب ديال الكاتب العام بوزارة الاتصال دبا بقا خاوي والوزير محمد الأعرج بطبيعة الحال غادي يلقى شي حد لي عندو كفاءة حقاش الوزير ماغاديش يجيب شي حد لي غادي يلعب عليه او لي عايش فالريع. ما غاديش يقبل يكون فالمنصب بحال التهاني اللي كيعتابر راسو اكبر من الوزير واقوى من الكاتب العام غير حقاش كيعرف هاداك اللي ما كيديرش خدمتو واسمو عبد الحق لمريني الناطق الرسمي باسم القصر الملكي او الصامت الرسمي. هاد سيدهم عبد الحق كيدافع على هاد العينة. شفتو على بلاد.