انفراد. كود جابت لكوم تسجيل خطير لاوزين كيسب فيه الوزير امزازي: ما بغاش يعين صحابو فهاد المنصب

حصلت كود بشكل حصري على تسجيل صوتي يعود لمحمد اوزين المعروف وهو يصوب فيه سهام نقده لوزير التربية الوطنية سعيد أمزازي.
اوزين بحسب مصادر كود كاعي على امزازي حيت سد عليه الروبيني ومبغاش يوافق على اقتراح عرفات عثمون كاتب عام لمكتب التكوين المهني غير حقاش من حزبو
بلا حشمة بلا حياء كاليك وزارة التربية الوطنية تخدم أجندة أخرى الا أجندة حزب الحركة الشعبية، هذا معندو وجه اصلا انت خصك تسكت متهضرش اسي اوزين راه وزارة التربية الوطنية تخدم مصلحة الوطن اولا وثانيا وثالثا وليس الحركة الشعبية ال كنت انت باغي تخدم أجندة دالحركة فراه عندهوم الحق ملي خلاوك فثلاجة. لفضيحة هو ان كاع الاحزاب رجعات المناصب العليا اللي فيها اطر الدولة لكبار وزيعة كيتقاسموها.
قال السيد فهاد التسجيل الذي تنفرد كود بنشره ان كلامه يأتي في اطار تحليل التواجد ديال السنبلة فالحكومة، اوزين باغي يرجع الصاع صاعين لسعيد أمزازي حيت بقا فيه ولى وزير وهو حيت صاطو فيه مسكين وقال ليه ماشفت حتا اسهام لوزارة التربية الوطنية للحركة الشعبية شفنا واحد مجموعة دقرارات معندهاش صدى على الحركة الشعبية ، دابا هذا تعول عليه يدافع على الوطن.
الوزير السابق هاجم امزازي مزيان وقال ليه حنا ملي تنجيبو المقاعد سي امزازي تيشرب القهوة .
https://web.facebook.com/goudmag/videos/1158848244267458/