بلحاج المدير ديال التشريفات الملكية والأوسمة ل”كود”: راني مريض والله يهدي هاد الناس اللّي كيقولو مشيت فحالي

فهاد الأيام الأخيرة تم الحديث بشكل قوي وكبير بزايد على جواد بلحاج المدير ديال التشرفيات الملكية والأوسمة اللّي قالو طار من بلاصتو بسبب غضبة ملكية بعد الزيارة الملكية الأخيرة اللّي دارها الملك محمد السادس لفاس. هادشي بطبيعة تروّج على أعلى مستوى و”كود” بغات توصل للحقيقة كما هي.
“كود” عيطات لجواد بلحاج واستغرب من هاد الأخبار، وقال لكود: “هادشي مكاينش بشكل نهائي أنا مزال خدام واللّي واقع دبا راني مريض، هادي أكثر من 6 سنوات متبع العلاج ودبا عاود ناض عليا المرض وصافي والله يهدي هاد الناس اللّي كيقولو هادشي”.
يُشار إلى أن جواد بلحاج كان انتخب فسنة 2002 رئيس ديال الجامعة الملكية المغربية للملاكمة، وهو عضو باللجنة الوطنية الأولمبية المغربية منذ سنة 2006. وتقلد بزاف ديال المسؤوليات بين البرلمان ووزارتي الفلاحة والعدل فالثمانينات والتسعينات. وكيحظى بثقة كبيرة داخل القصر من معند الملك بصفة خاصة.