يومين من عرض الفيديوهات التي قدمتها النيابة العامة بمحكمة الاستئناف بالدار البيضاء، كدليل على إدانته في التهم الموجهة إليه، دعت أسماء زوجة الصحفي توفيق بوعشرين، مؤسس يومية “أخبار اليوم”، إلى عرض هاد الفيديوهات أمام الرأي العام. —– كود: مرحبا لالة أسماء، شنو تقدر تقولي على داك الأشرطة لي عرضات المحكمة قبل يومين؟ أسماء زوجة توفيق بوعشرين: داك الأشرطة كولهوم معندهوش مصداقية بشكل مطلق حقاش عندي أدلة دامغة تؤكد أن توفيق ماشي هو لي باين فيهوم وقدمنا هادشي للمحكمة قبل عرض الأشرطة لكن للأسف المحكمة رفضات الدفوعات ديالنا كولها. كود: شنو هوما هاد الأدلة؟ أسماء زوجة توفيق بوعشرين: مثلاً كاين واحد الفيديو كيقولو تصور بتاريخ 2016/08/23 كيبان فيه كيمارس الجنس مع أسماء حلاوي. فداك الوقت بالضبط السيد كان ناعس فمستشفى الشيخ زيد حقاش دار عملية وعندي وثائق تؤكد ذلك وتفند صحّة الشريط بشكل مطلق ودبا كيفاش نقدر نثيق أن هداك توفيق لي باين فالفيديوهات. كود: وبالنسبة لباقي الفيديوهات؟ زوجة توفيق بوعشرين: سّي عمر معنديش غير هاد الدليل راه كاين بزاف. فمثلا كاين فيديو آخر قالو أنه هو لي باين فيه لكن فداك الوقت السيد مكاينش كاع فكازا وكان شادو الردار فحي الرياضبالرباط وكيفاش السيد شادو الردار فالرباط وهو كيمارس الجنس فالمكتب ديالو. هدا دليل دامغ بالنسبة لي ومشينا بعيد كاع باش ميقولوش ماشي توفيق لي كان سايق السيارة. جبنا ما يثبت أن توفيق لي كان كيسوق السيارة. كاين فرق ديال 20 دقيقة بين الوقت لي كان شادو الردار وبين داك الشريط.. كيفاش السيد غادي يطير من كازا للرباط ويوصل فداك الوقت راه لحماق هدا. كود: يعني توفيق ماشي هو لي كاين فداك الاشرطة؟ أسماء زوجة توفيق بوعشرين: بطبيعة الحال ماشي هو وماشي غير هادشي كاين فيديو ثالث ديال ابتسام مشكور المسؤولة عن موقع “سلطانة” بتاريخ 12 يناير 2018. على الساعة 18 و46 دقيقة فداك الوقت كانت ابتسام كتهضر مع واحد السيد اسمو عصام خدام معاها وفي نفس الثانية والدقيقة وكيفاش كانت كدير داكشي مع توفيق وغادي تهضر مع شخص آخر. كود: قدمتو هادشي للمحكمة؟ أسماء زوجة توفيق بوعشرين: بطبيعة الحال قدمنا جميع الأدلة الدامغة لي تؤكد ان ماشي توفيق لي باين فداك الأشرطة لكن كاين خروقات فالمحاكمة ديال زوجي ومعيطوش للشهود باش يسمعو ليهوم قبل عرض هاد الاشرطة واليوم ميمكنش نثيق فالفيديوهات وأنا عندي أدلة ان توفيق مكانش فيهوم وكاين أمور كثيرة بحال داك أسماء حلاوي. مني قلبنا فواحد الشريط كانت السيدة داك الوقت كونجي وفشريط آخر كانت مكايناش فالمكتب أصلا حقتاش كانت فشي جنازة ديال شي واحد من عائلتها”. وماشي غير هادشي الفرقة الوطنية للشرطة القضائية حجبت على الموقع الجغرافي ديال الأماكن لي كان فيها توفيق فداك الاوقات لي كيقولو تصور فيها الفيديوهات حقاش عارفين التوقيت ديال الاشرطة أن توفيق مكانش فالمكان لي تصور فيها داك الفيديوهات ولعبو فالبرنامج المعلوماتي ديال “Excel”. كود: كيفاش كتشوفو دبا المحاكمة ديال توفيق؟ أسماء زوجة توفيق بوعشرين: محاكمة غير عادلة من ألفها إلى يائها وحنا قدمنا الادلة ديالنا لكن المحكمة رفضات الدفوعات ديال هيئة الدفاع واش يا عباد الله اتصالات المغرب والردال ومستشفى الشيخ غادي يكذبو وغيرها من الأمور لي عندنا ويلا بغات تقولنا المحكمة أنها مع المشتيكات تقولها لينا وتحكم على توفيق وتطوي الملف لكن أدعوها إلى عرض داك الأشرطة لي دارت فمحاكمة سرية أمام الرأي العام للتأكد واش هدا توفيق أو لا. كود: باش عرفتيه ماشي توفيق؟ أسماء زوجة توفيق بوعشرين: بطبية الحال ماشي توفيق الوزن ديال داك السيد لي باين فيه لا علاقة له بالوزن ديال توفيق وراجلي معندوش داك الشعر وعاد زيد أمور أخرى بلا منقولها احتراما لحرمة شهر رمضان.. أسبوع وهوما كيلطخو ليه فالسمعة ديال القنوا العمومية والاذاعات ودبا غير يزيدو بوضحو للراي العام كولشي ويعرضو داك الأشرطة وداك المشتكيتين اللواتي يشهدن على نفسهن كيمارسو الجنس بيناتهوم خاصهوم متابعة عاجلة.
