محلل جزايري:الجزاير هي دابا الحليف د السعودية ف المنطقة

نشرت الشروق الجزايرية مقالات تحليليا لاحد المحللين العاملين لديها قال فيه الحزاير ولات هي الحليف الرئيسي للسعودية ف المنطقة بعدما تبدلات التحالفات ف المنطقة دوليا و بعد التشنجات بين المغرب و السعودية اللي كانت العلاقة بينهم مزيان ف الماضي
و الدليل حسب اليومية ان الامير السعودي بن سلمان اختار يدوز يومين كاملين ف الجزاير مقابل ساعات ف تونس و موريتانيا، زيد عليها الوفد الكبير اللي كان معه و التصريحات الكثيرة للمسئولين السعوديين بمناسبة هاد الزيارة، من السفير السعودي و عميد جامعة سعودية بارز و غيرهم اللي قالو انهم غادي يطورو من مستوى العلاقات بين البلدين
المهم السعودية كتقلب بأي ثمن تفك الحصار الاعلامي و الديبلوماسي اللي دارت فيه راسها بسبب قتل الصحفي خاشقجي ومالقات غير الجزاير اللي مستعدة ،غير ان صاحب المقال اختتمه باسئلة مثل ” ما الذي يمكن للجزائر أن تجنيه من التوتر الصامت الذي يميز العلاقات بين المغرب والسعودية؟ ” في اشارة الى تغير ف الموقف السعودي من نزاع الصحراء..