واش نصدقو جون افريك اللي مسخرين: 7 سنين ديال البي جي دي: ها اش كيقول التازي والناجي والعلوي

سبع سنين دازت على وصول البيجيدي للحكم، من بعد ماجات عشرين فيراير ووصلاتهم لرئاسة الحكومة، كيفاش دازت هاد السبع سنين؟، وآش عطاو فيها للبلاد؟، المساء دارت ملف كيهضر على هاد الموضوع، وهضرو فيه سياسيين وباحثين وقيمو التجربة ديال حكومة الاسلاميين.
“كود” خذات أهم ماجاء، في تصريحات هاد الباحثين والسياسيين:
محمد الناجي : سبع عجاف على عكس دلالة الرقم سبعة
تحدث السوسيولوجي محمد الناجي، للمساء عن مصادفة الرقم سبعة، لسنوات حكم الاسلاميين مع الرقم السحري الذي يوظف في الاساطير، كالسماوات السبع والقراءات السبع، واصفا حكم البيجيدي بالسبع العجاف.
ووصف الناجي حصيلة البيجيدي بالقاتمة، مشيرا أن الناخبون اختاروهم لأنهم اعتقدوا أن البيجيدي سيقلب ميزان السلطة، متهما البيجيدي بعدم استيعاب الدرس وخيانة الارادة الشعبية.
سليمان العمراني : حصيلتنا مشرفة وثقة الشعب فينا برهان
سليمان العمراني نائب الامين العام ديال حزب العدالة والتنمية، قال أن حصيلة البيجيدي فهاد السبع سنين مشرفة، وهي أشهر من مار على علم، مشيرا أن ثقة الشعب فالحزب فالنتاخابات وخصوصا انتخابات 2015 و2016، برهان على هادشي.
وقال أن الحكومة الثانية دالبيجيدي وفنصف ولايتها قدرات دير عدد من المنجزات منها الحماية الاجتماعية للفئات الفقيرة والهشة، وتقوية النسيج المقاولاتي، خصوصا المقاولات المتوطة والصغيرة، وتحسين المؤشرات الاقتصادية، وآخرها مؤشر doing business،لي نتاقل فيه المغرب من الرتبة 69 للرتبة 60.
وقال أن الحزب كيحارب الفساد وبدا من راسو، ديكشي علاش دار لجنة المزاهة والشفافية لمراقبة سلوك منتخبي الحزب وأعضاءه ووزراءه.
التازي : البيجيدي خاف من اللوبيات وماكانتش عندو الشجاعة لخوض معارك سياسية
رجل الاعمال كريم التازي، قال أنه خاصنا نعرفو بأن البيجيدي فالسبع سنوات، ماكانتش عندو حقائب المالي والصناعة والفلاحة…، وهذا اعتراف من العدالة والتنمية أنه ماعندهومش كفاءات اقتصادية لتدبير هاد المجالات.
وزاد التازي أن البيجيدي كان دار تشخيص مزيان لتحسين وضعية البلاد الاقنصادي ولكان نفذوا هاد البند كانوا غايربحو الرهان وغاتمشي لبلاد مزيان فالنمو.
راه كنت قلت شحال هادي أن الحزب ماعندوش كفاءات ولكن لي مهم هو يدخلو في المعركة من أجل تحرير المغرب من الفساد واقتصاد الريع وإرساء الحكامة الجيزة، ولوكان دارو هادشي ماكنا غانحتاجو لا قطر لا السعودية لا الامارات يتصدقو علينا.
وعوض هادشي خرج لينا بنكيران فالتلفزيون وقال قولته الشهيرة ” عفا الله عما سلف”، وبعد هادشي ماكانتش شي حاجة لمحاربة الفساد كتفهيل مجالس المنافسة والهيئة الوطنية لمحاربة الرشوة.