ها شحال ديال الحبس اعطاو لموظفة ف بنك بسبب اختلاس فلوس صحيحة بالعملة الصعبة

omarelmouzaine@gmail.com
وأخيرا قسم جرائم المالية بمحكمة الاستنئاف بمدينة فاس، أسدل أمس الثلاثاء، الستار على القضية لي تابعات فيها واحد الموظفة ف البنك الشعبي. هاد الإطار البنكي كانت متابعة في حالة اعتقال احتياطي بسجن بوركايز ضواحي المدينة بسبب “اختفاء” ديال مبلغ مالي بالعملة الصعبة لي وصل ل130 ألف أورو من داخل المؤسسة لي كانت خدامة فيها.
هاد المستخدمة كانت قالت طيلة مراحل المحاكمة ديالها على أن هاد المبلغ مشا ليها من البيرو ديالها فظروف غامضة وهي لم تختلس حتى شي حاجة. المتهمة كانت دارت كريدي باش ترجع هاد لفلوس لشي زبون ديال البنك حطها ف الحساب ديالو لكن لفلوس طارت من المكتب ديالها.
ووفق ما كشفت عنه مصادر “كود”، فإن قسم جرائم المالية الابتدائي حكم على هاد المستخدمة بسنة سجنا نافذا، مع إرجال المبالغ المالية المختلسة. هاد المتهمة كانت تابعاتها النيابة العامة بتهمة “اختلاس أموال عمومية والتزوير في وثائق بنكية والاستعمال ديالها”.