توقعات. وباينة هادا زلزال فالولاة والعمال كيوجدو ل2121. حتى كازا وفاس ووجدة تغيرو

يبدو ان التغييرات اللي شملات ولاة الجهات كبيرة. فحتى جهات فاس سايس ووجدة الشرقية والدار البيضاء الكبرى شملها التغيير. كيهدرو علي سعيد حميدوش ديال صندوق الضمان الاجتماعي واليا علي جهة الدار البيضاء الكبرى فبلاصة زاهود اللي شحال هادي طالب يمشي فحالو وفالجهة الشرقية كاين لكلام الكاتب العام لوزارة الفلاحة محمد صديقي اللي جا فبلاصة الجامعي. هاد الاخير اي الجامعي جا لفاس سايس.
دابا هادي توقعات ما عرفناش علاش بيان الديوان الملكي ما خرجش اسماءهم واش هاد الشي بروطوكوليا اي خاصهم يؤديو القسم اولا عاد يعلن على اسماءهم. نتسناو نشوفو.
للتذكير فيبدو ان جهات العيون الساقية لحمرا وبني ملال تادلة وتافيلالت الراشيدية والرباط زعير وطنجة تطوان الحسيمة حتى هي معنية بهاد التغيير. يعني هاد الشي كيعني هادو هما اللي غاديين يوجدو انتخابات 2021