فضيحة.. كريم بلق رئيس جامعة الجوجيتسو كيخدم لمصلحة الأبطال الإماراتيين على حساب المغاربة والوزارة فدار غفلون

كريم بلق، رئيس جامعة الجوجيتسو، متهم بخدمة مصلحة الأبطال المغاربة على حساب المغاربة، لي كايمارسوا رياضة فنون القتال.
هادشي خطير بزاف وخاص يتفتح فيه تحقيق للتأكد من صحة هاد الادعاء، خصوصا أن المسألة تتعلق بمصلحة وسمعة المغرب.
القضية وما فيها أن البطل المغربي سيف الدين حمين، المعروف على الصعيد العالمي، بغا يشارك في بطولة عالمية بكوريا الجنوبية، وطلب من الجامعة باش تكلف بمصاريف وتغطية مشاركته، إلا أنه فوجئ بالرئيس بلق يقول له ان هاد البطولة ما شي مهمة. وان المسؤولين المسؤولين قالوا ليه ذلك، لهذا لا داعي للمشاركة.
هاد البطل ما هضمش كلام رئيس جامعة الجوجيتسو كريم بلق، لي هو في نفس الوقت وكيل لاعبين ومعروف بقربه من الإماراتيين، ومشا شارك على نفقتو وفاز بالميدالية الذهبية
البطل حمين خرج بتصريحات قوية كيتهم بلق بمحاولة عرقلة مشاركته باش يخوا السيكتور للأبطال الإماراتيين “رئيس الجامعة تهرب باش ما يساعدنيش وأخبرني أن المسؤولين الإماراتيين طلبوا منو باش ما يصيفتش الأبطال المغاربة لان البطولة ما شي مهمة”.
الفضيحة ما شي يتمنع بطل مغربي من المشاركة في بطولة عالمية، ولكن في تدخل مسؤولين إماراتيين باش رئيس الجامعة ما يصيفتش الأبطال المغاربة، وهادشي بأن منين هاد البطولة العالمية، شاركوا فيها ب4 أبطال وبطلتين إماراتيين.
إلا كانت هاد البطولة ما شي مهمة في نظر الإماراتيين ورئيس الجامعة ديالنا المحترم، علاش شاركت الإمارات بهاد العدد المهم من الأبطال.
هاد الفضيحة خاص يتفتح فيها تحقيق دقيق، باش نوقفوا على الحقيقة، لأن القضية كتمس سمعة المغرب والأبطال ديالو. التحقيق خاص الوزارة تقوم به في أسرع وقت، باش ما تبقاش في دار غفلون وراها نيت في دار غفلون.