كأس “كاف”.. خسارة “مقبولة” لبركان في غانا والروتور غادي يكون صعيب

نهضة بركان فلت من خسارة ثقيلة أمام اشانتي غولد الغاني اليوم السبت في ملعب "لان كلاي"، بمدينة أوبواسي، ضمن منافسات ذهاب الدور التمهيدي لكأس الاتحاد الإفريقي لكرة القدم.
ممثل الكرة المغربية خسر بثلاثة لحوح، بعدما كان منهزما بهدفين لصفر في الشوط الاول، وماركا للفريق الغاني اللاعب إيريك دونكور وشافيو ميموني في الدقيقتين 16 و45.
لكن نهضة بركان رجع بقوة في الشوط الثاني وماركا هدفين بواسطة محمد عزيز، ثم أضاف اللاعب أموس ادي لأشانتي الهدف الثالث.
المدرب عادل السراح لعب بالتشكيلة تتكون من الحارس زهير العروبي ومحمد عزيز و يوسوفا دايو وإسماعيل مقدم ومحمد فرحان، وبكر الهيلالي وأحمد الكاس وزيد كروش، والعربي الناجي وعلاء الدين أجرائي وحمادة لعشير
الماتش ديال الروتور ما غاديش يكون ساهل للفريقين. بركان خاصو يماركي على الأقل هدف واحد باش يدوز للدور الثاني، وأشانتي غادي يدافع باش ما يخليش البراكنة يماركيو.
الماتش غادي يحضرو جمهور كبير نهار 28 في هاد الشهر بالملعب البلدي ببركان.