الكار اللّي تقلب ف”واد دمشان” كان هاز اكثر من 60 مسافر

ديما كنقول أن المشكل ديال لكسيار عندو علاقة بالمراقبة الطرقية بالدرجة الأولى وعاد نقردرو ناقشو الطرقات اللي وكالة لعصا فعدد من جهات المغرب. ضحايا فاجعة انقلاب حافلة لنقل المسافرين ب”واد دمشان” بالجماعة الترابية الخنك، إقليم الرشيدية، مزال كيبانو فيها ضحايا جداد.
وحسب مصادر محلية، ل”كود”، فإن حصيلة القتلى وصلت إلى الساعة إلى 30 قتيلا. وجاء ارتفاع هاد الحصيلة بعد العثور على جثة جديدة اليوم الإثنين تعود إلى طفل لم يتجاوز عمره 6 سنوات. هاد الجثة لقاوها بالضبط فسد الحسن الداخل.
وتواصل السلطات المحلية لولاية جهة درعة – تافيلالت عمليات البحث والإنقاذ المتواصلة من قبل مختلف السلطات المعنية. هاد العملية تشارك فيها فرق مختصة، تضم عناصر من الدرك الملكي والقوات المسلحة الملكية والوقاية المدينة.
دبا عدد القتلى وصلو ل30 واحد وعدد الجرحى اللي خرجو من الصبيطار وصلو ل30 واحد حتى هوما حسب مصادر طبية ل”كود”. هادشي كيعني أن الكار كان هاز اكثر من 60 واحد. وهنا نرجعو لطرحو تساؤلات على غياب المراقبة وزيد عليها الطرقات اللي كولها واكلة لعصا. فين وزارة التجهيز والنقل ؟.