“فيفا” كيصدم فالوداد.. جيبور انتصر على الناصيري وغادي يلعب فالإمارات

الاتحاد الدولي لكرة القدم صدم الوداد البيضاوي في نزاعو مع الليبيري ويليام جيبور.
“فيفا”عطات ورقة الخروج للاعب جيبور باش يلعب في نادي الفجيرة الإماراتي، بعدما منعو الوداد البيضاوي من ذلك.
الليبيري ويليام جيبور طلب فسخ العقد ديالو من الوداد البيضاوي، لأنه ما تخلصش في الفلوس لي كايسال.
جيبور قدم كل الحجج ديالو أمام الاتحاد الدولي، لي كتأكد أن الناصيري ما خلصوش في 8 أشهر ومنحة التوقيع ومستحقات أخرى. وهادشي لي خلا لجنة النزاعات بالفيفا يقرر يعطيه ورقة الخروج باش يلعب مع الفجيرة الإماراتي بلا مشاكل.
المسألة ما غاديش تنتهي بفسخ العقد فقط، بقدر ما الاتحاد الدولي غادي يلزم سعيد الناصري يخلص جيبور گاع فالفلوس لي كايسال.
جيبور قدم موسما ناجحا مع الوداد البيضاوي قبل ثلاث سنوات، وتوج معه هدافا للبطولة الاحترافية، ومن بعد احترف في النصر السعودي، لكنه فشل في فرض رسميته.
قرر جيبور يرجع الوداد البيضاوي العام لي فات، لكنه مالعبش الماتشات بزاف، لحقاش ما كانش كايعتمد عليه المدرب التونسي فوزي البنزرتي.