الداودي ل”كود”: الأحزاب اللّي كتهضر على التعديل الحكومي وكان خدات المبادرة قبل الملك ودبا معندهاش الحق تتدخل

الوزير المنتدب لدى رئيس الحكومة المكلف بالشؤون العامة والحكامة، لحسن الداودي، اعطا لادريس لشكر الكاتب الأول لحزب الاتحاد الاشتراكي علاش كيقلب. الدوادي وجه رسائل عبر “كود” لشكر اللي باغي يحيّد التقدم والاشتراكية من الحكومة الجاية وهادشي بان من خلال الخرجة ديالو في برنامج “حديث مع الصحافة”.
الوزير الداودي، المقرب من رئيس الحكومة في المشاورات التي يجريها مع زعماء الأغلبية، قال ل”كود” أن التعديل الحكومي ماشي مبادرة ديال رئيس الحكومة أو ديال شي حزب معين باش يهضر على هاد الموضوع.
وقال الدوادي، في ذات التصريح، وهو يرد على لشكر دون أن يذكره بالإسم: “التعديل الحكومي راه مبادرة من جلالة الملك محمد السادس، وهاد المسألة كاينة بين رئيس الحكومة والملك، وفينا كانو الأحزاب شحال هادي وكان اخداو هوما هاد المبادرة باش يهضرو”.
وأضاف الداودي: هذا طلب ديال جلالة الملك وحتى حزب معندو الحق يتدخل. وكان كانو الأحزاب اللي كيهضرو دبا خداو هاد المبادرة وعلاش تأخرو”. الوزير الداودي يقصد ادريس لشكر اللي كيتنوعر باش يحيّد البي بي إس.