شاعلة بين الحكومة ومجلس المنافسة.. الكراوي: الداودي رفض يعطينا دراسة لتحرير المحروقات.. وزير الشؤون العامة والحكامة ل”كود”: هادشي مكاينش وها شنو قلت ليه

اندلعب حرب كلامية مفتوحة بين مجلس المنافسة، الذي يوجد على رأسه إدريس الكراوي، ووزير الشؤون العامة والحكامة. فقد كشف رئيس المجلس خلال ندوة صحفية عقدها اليوم الجمعة، أن الوزير الداودي رفض يعطيهوم الدراسة التي اعتمدت عليها وزارته باش تقنن أسعار المحروقات السائلة.
وأكد رئيس مجلس المنافسة، أن وزير الشؤون العامة والحكامة رفض يعطيهم هاد الدراسة بداعي أنها سرية وميمكنش ليها تخرج أو تقدم لمجلس المنافسية، مشيرا إلى أن المجلس كان خاصو يعرف شكون صوبها وعلاش بانت أصلاً باش.
وأفاد الكراوي أن الوزير الداودي قدم ليه فقط وثيقة فيها جدول ديال هوامش أرقام الربح التقديرية خلال الفترة الممتدة ما بين 2015 و2018.
من جهته، كذب الوزير الداودي، في اتصال أجرته معه “كود”، ما صرح به رئيس مجلس المنافسة، موضحا بالقول: “أنا اعطيتو الورقة لي فيها الربح ديال الشركات وهادشي علاش اعتمدت أنا براسي وصافي، راه كاين الشركات اللي وصلات لجوج دراهم و13”.
وأضاف الوزير الداودي: “بالنسبة للوثائق الأخرى قلت ليه يمشي لعند وزير المالية حقاش سعر البرميل معنديش انا، وأنا غير استهلك، وقلت ليه يمشي ياخد داك المعطيات من وزارة المالية ومكتب الصرف والديوانة، وخاصو يعرف أن براسي مشيت عندهوم”.