بعد استوزارها.. نزهة بوشارب كتشكر ف حليمة العسالي لي دافعات عليها باش تولي وزيرة ف حكومة بنعرفة 2

نزهة بوشارب الوزير الجديدة ف قطاع التعمير والاسكان واعداد التراب الوطني، ديال الحركة الشعبية، شكرات بزاف حليمة العسالي المرأة الحديدية ف حزب الحركة الشعبية.
العسالي لي طيحوها ف جهة بني ملال خنيفرة واخا دارت اتصالات مع زعماء الاحزاب الاغلبية باش يصوتو عليها، وهادشي خلاها طلع للجبل وتتهم حلفاءها بلي معندهم كلمة، حلفات تا دير يدها ف التعديل الحكومي.
حسب مصادر كود فإن بوشارب لي كيوصفها مقربين منها ب”مهندسة الصفقات” منذ ان كانت تشتعل مع حيكمة الحيطي لي كانت وزيرة البيئة ولي طارت بسبب فضيحة زبل طليان، هي اقرب من المقربين للعسالي لي دافعت عليها باش تولي وزيرة.
بوشارب لي سبق بنكيران رفضها تكون كاتبة دولة ف البيئة اليوم رجعات الحكومة من باب بنعرفة.
وبعد استوزار نزهة بوشارب صديقة حكيمة الحيطي، وزيرة البيئة سابقا، التي لم تحظى باجماع المكتب السياسي، انطلقت حرب جديدة داخل المكتب السياسي لي ولى منقسم على زوج.
العنصر لي عمر الحركة الشعبية لسنوات قريب يطير بؤتمر استثنائي وفق مصدر كود.