عاجل. قضية حمزة مون بيبي. سكينة كلامور وسيمو ظهير تشدو هاد الصباح ودخلو لهاد الحبس وعدنان مول الطونوبيلات هربان

علمت “كود” ان الفرقة الوطنية للشرطة القضائية اعتقلت هاد الصباح بمراكش كلا من سيمو ظهير وسكينة كلامور بمراكش. هاد الاعتقال جا 24 ساعة بعد قرار غرفة المشورة الغاء قرار قاضي التحقيق تمتيع كلا من هاد الجوج بالاضافة الى عدنان مول الطونوبيلات المتابعون فقضية “حمزة مون بيبي”٬ بالمتابعة فحالة سراح.
غرفة المشورة امرت بايداع هادو فالحبس والاستمرار فالبحث وفالتحقيقات.
وحسب مصدر “كود” فهاد الجوج لاحوهم فسجن لوداية بمراكش فيما مازال عدنان مول الطونوبيلات فحالة فرار.
هادو كانو مع 2 اخرين متهمين بالضلوع فالحساب ديال “حمزة مون بيبي”. هاد الحساب شوه بزافت الناس ومتابعين فيه اخرين مازال خارج المغرب.
من فضايح هاد القضية ان هاد سيمو ظهير عندو بطاقة الصحافة المهنية ديال المجلس الوطني للصحافة واخا عندو سوابق. ممكن جدا يتابعو المجلس بتزوير وثائق.