منخرط ودادي فضح سعيد الناصري: خدا ليا شيك ديالي فيه جوج دالمليون وتفلا عليا وأنا خايف منو حقاش عندو نفوذ – فيديو

المنخرط الودادي كريم ابن مجدوب افضح سعيد الناصري رئيس فريق الوداد البيضاوي. ابن مجدوب كشف ف تصريحات ل”كود”، أن الناصيري خدا ليه شيك فيه ديال جوج دالمليون سنتيم كان اعطاها ليه على أساس باش ينخرط لكنه تفاجئ أنه مخدا لا انخراط لا فلوسو. هاد الشي ليه اكثر من 4 سنين.
منخرط ودادي: هاكيفاش قولبني الناصرس وخدا لي شيك ديالي مابغى يعطيني لا شيك لا انخراط
Publiée par GOUD sur Mercredi 13 novembre 2019
وقال ابن مجدوب: “لا احترم سعيد الناصري لكن أحترمه كرئيس لفريق الودادي البيضاوي حقاش ضحك عليا مني كنت باغي ننخرط ف الفريق وخدا من عندي شيك ديال 20 ألف درهم مباشرة بعد توليه رئاسة الفريق”. المنخرط الودادي عبر عن تخوفه من الرئيس دالوادي حقاش عندو نفوذ كبرلماني.
وأضاف الودادي بن مجدوب أنو مللي التقى مؤخرا بالرئيس سعيد الناصيري وقاليه: “أنا مابقيتش باغي الانخراط، اعطيني غير الشيك ديالي، لكن بقا كيديني وييجبني.. وهددني وقاليا غادي نعطيك الانحراط ويلا دويتي غادي نطردك. دبا أنان بغيت غير الشيك ديالي بالي يمشي يدير ليا شي مشكل بيه وأنا مابقيتش باغي الانخراط كاع”.