الويكلو وصل لدوزيام ديفيزيون.. الجامعة فرضاتو على الدشيرة وبنگرير ونزلات على فراقي 0خرين بسباب الشهب

الويكلو وصل لدوزيام ديفيزيون هاد المرة، بعد أحداث الشغب، لي كانت فملعبي أولمبيك الدشيرة وبنگرير في الدورة الماضية.
اللجنة المركزية التأديب والروح الرياضية التابعة للجامعة قررت في اجتماعها الأخير أن يلعب أولمبيك الدشيرة جوج الماتشات دون جمهور وتغريمه 37500 درهما، بسبب أحداث الشغب، لي كانت فالماتش ديالو مع المغرب الفاسي، لي حتا هو غرماتو اللجنة بمبلغ 3750 درهم بسبب مضاربة جمهوره مع انصار الدشيرة.
فريق شباب بنگرير خدا حقو حتا هو من الويكلو، إذ سيخوض مباراته المقبلة دون جمهور مع تغريمه مبلغ 7500 درهم، بسبب الشغب وسوء التنظيم لي كان كونتر الكوكب المراكشي.
الجامعة نزلات على فراقي أخرين بغرامات مالية ثقيلة، بحال الجيش الملكي لي خاصو يؤدي 40 الف درهم لاستعمال جمهوره الشهب الاصطناعية، واقتحام أرضية المجمع الرياضي الأمير مولاي عبد ﷲ، فالماتش ديلل اتحاد طنجة، لي حتا هو تغرم لمبلغ 20 ألف درهما بسبب استعمال جمهوره الشهب الاصطناعية في نفس الماتش.
وغرمات اللجنة كذلك أولمبيك خريبكة ب20 الف درهم بسبب اقتحام حمعوره ماتش ديال مولودية وجدة.
وفرضت لجنة التأديب مبلغ 2000 درهما على الدفاع الحسني الجديدي بعد حصول لاعبيه على 4 إنذارات أمام نهضة الزمامرة، وهي العقوبة نفسها التي فرضتها على يوسفية برشيد، لنفس سباب في ماتش كونتر أولمبيك آسفي.