مرات عادل الميلودي نوضات سكوندال فالمحكمة.. وهو: أمنية تقدر تكون بنتي حيت نعست مع مها وعطيتها 70 درهم

البارح كانت جلسة جديدة بين المغني عادل الميلودي والولاد لي كيقولو أنهم ولادو وباغين يعترف بيهم ويعطيهم النسب.
ايمان مرات الميلودي نوضات سكوندال ملي بغات تدخل للمحكمة والناس تجوقو عليها وبداو يغوتو، وهي نزلات من الطونوبيل وتعايرات مع شي واحد انتقدها وتدخلو رجال السلطة باش مايوقعش شي مشكل كبير.
وعلى غير العادة ولأول مرة الميلودي قال أن أمنية تقدر تكون بنتو، وقال كلام جارح في حق والدتها وأنها نعسات معاه واحد الوقت وعطاها 70 درهم.
كلام الميلودي غير موزون، وبان كيدخل ويخرج في الهضرة، ولي أكدو أنه كيعرف البنت لي ناكرها ملي تولدات وكيعطيهم فلوس، وهو قال أن هادشي كان بحال صدقة وغير كان كيعاونهم.
القضية مازال مخربقة وكل واحد لحد الان كيلغي بلغاه.