بعدما ترجاها لبارح باش ترجع ليه، اليوم الأربعاء حط الممثل المغربي محمد المروازي تصويرة ليه على حسابو فموقع التواصل الاجتماعي “أنستكَرام” مع طليقتو سناء عكرود، رافقها بتدوينة كيشكر فيها المغاربة، بالإضافة لخواتات سناء، حيت رغبوها معاه فالتعليقات باش ترجع ليه، وهكذاك كان. وقال المروازي فالتدوينة المرافقة لتصويرتو مع سناء عكرود، واللي حصدات كثر من 20 ألف إعجاب فأقل من ساعتاين: “شكرا سعاد، شكرا شهرزاد، شكرا المغاربة والجزائريين والتوانسة على رسائلكم. سناء كانت طلبات مني بكل 10 سنوات على الزواج باش ترتاح.. وأن… وأن.. فوافقتها على ذلك، وخفتها من بعد ما ترتاح تمشي وتزهق ليا، فوضعتها أمام الأمر الواقع لبارح، والحمد لله كل شي على ما يرام اليوم”. View this post on Instagram صباح الخير عليكم…. شكرا سعاد… شكرا شهرزاد… شكرا المغاربة و الجزائريين و التوانسة على رسائلكم. سناء كانت طلبات مني بكل احترام و بكل إنسانية نوقفوا علاقتنا الزوجيه لانها و بعد مرور 10 سنوات على الزواج ارادت ان ترتاح و ان … وان… فوافقتها على ذلك ، من بعد خفت تمشي ترتاح بزااااااف و تزهق ليا ???? ، فوضعتها امام الامر الواقع البارح… الحمد لله كل شيء على ما يرام اليوم…شكرا صديقاتي و اصدقائي.. احبو بعضكم حتى في الفراق و لا تيأسوا، فانتم لا تعرفون ما يخبئه المستقبل. سلام الله عليكم . @sanaakroudofficial @akroudsouadd @chahrazadakroudofficial #marocco #marocaine???????? #love A post shared by Marouazi (@marouazi.official) on Feb 5, 2020 at 4:36am PST وأضاف المروازي، فالتدوينة نفسها: “كنشكركم صديقات أصدقائي، أحبوا بعضكم حتى في الفراق ولا تيأسوا، فانتم لا تعرفون ما يخبئه المستقبل”. وللإشارة، فالمروازي ماقدرش على فراق سناء، فبعد أشهر قليلة على طلاقهم، حط المروازي على حسابو فموقع “أنستكَرام” تدوينة كيطلب فيعا سناء باش ترجع ليه، وأرفقها بصورة ليها. وكانت سناء عكرود علنات، فشهر شتنبر اللي فات، فحسابها على “أنستكَرام”، على طلاقها من الممثل محمد المروازي، وهو الشيء اللي استغرب ليه المتابعين، خصوصا وأن علاقتهم كانت كاتبان مثالية.
