ماقدرش يصبر على فراقها.. محمد المروازي كيطلب من سناء عكرود ترجع ليه

الممثل المغربي محمد المروازي ماقدرش يصبر كثر على فراق الممثلة سناء عكرود، فمن بعد أشهر قليلة على طلاقهم، حط المروازي على حسابو ف”أنستكَرام” بوسط كيطلب فيه سناء باش ترجع ليه، وأرفقها بصورة ليها.
المروازي ترجى سناء باش ترجع ليه، وطلب من خواتاتها بجوج يعاونوه ويحاولو يقنعوها بالفكرة، وكتب “سناء عكرود… صافي باراكا… ارتاحيتي دابا… والله يرحم الوالدين رجعي ليا… سعاد هضري مع اختك… شهرزاد عاونيني عليها..”
View this post on Instagram
سناء عكرود … صافي باراكا….ارتاحيتي دابا….و الله يرحم الوالدين رجعي ليا….سعاد هضري معا اختك… شهرزاد عاونيني عليها … ????????????⁦❤️⁩???????? @sanaakroudofficial @chahrazadakroudofficial @akroudsouadd #maroc
A post shared by Marouazi (@marouazi.official) on Feb 4, 2020 at 9:13am PST
مجموعة من المعلقين عبروا على إعجابهم بهذشي اللي كتب مروازي فالتدوينة ديالو اللي تجاوزات 10 آلاف لايك، واعتبروه حب كبير وصادق للطليقة ديالو، وهذشي خلاهم يرغبو معاه سناء باش ترجع ليه فالتعليقات.
وهذي ماشي أول مرة ينشر المروازي شي حاجة على عكرود بعد طلاقهم، بل كان نشر غير فالأسابيع اللي فاتو صورة قديمة لعكرود، وقال فتدوينة مرافقة ليها “فهذ الصورة ديال سناء اللي خداها ليها المصور وولفانكَو ألفي، كتبان سناء كيف عرفتها، ممثلة وسيناريست ومخرجة بارعة، وكذلك أم رائعة، ماقادرش نصبر باش نعرف راي الجمهور ففيلمك الجديد “ميوفيا”.
View this post on Instagram
Dans cette photo prise par wolfango alfi , Sana comme je l'ai toujours connu, excellente comédienne scénariste réalisatrice , et superbe maman …. J'ai hâte de voir la réaction de ton public qui découvrira "myopia" film. Les dates de sortie seront déclarés en janvier-fevrier2020. Une belle avant première est prévue sur Montréal en mois de mars 2020. Restez connecté !!!!!! #myopia #sanaakroudofficial #filmmarocain #aflam
A post shared by Marouazi (@marouazi.official) on Dec 22, 2019 at 7:29pm PST
وكانت سناء عكرود علنات، فشهر شتنبر اللي فات، فحسابها على “أنستكَرام”، على طلاقها من الممثل محمد المروازي، وهو الشيء اللي استغرب ليه المتابعين، خصوصا وأن علاقتهم كانت كاتبان مثالية.