مدير الأوبئة: ثاني مصابة بكورونا فيروس فالمغرب عندها 89 عام وحالتها حرجة

قال محمد اليوبي، مدير مديرية الأوبئة، بللي السيدة اللي تم الكشف على الإصابة ديالها بفيروس “كورونا” المستجد (كوفيد 19) هي دابا فالعناية المركزةد والحالة ديالها حرجة.
اليوبي قال، فالندوة الصحفية التواصلية اللي تعقدات قبل قليل، بللي السيدة متقدمة فالسن، وعندها 89 عام، وجات من الطاليان مؤخرا وأعراض الإصابة بالفيروس مكانتش باينة فيها، حتى دازت تقريبا ثلاث ايام على وصولها عاد بانت فيها الأعراض.
وقال اليوبي بللي السيدة كتعاني من مرض مزمن وعندها مناعة ضعيفة، على هذشي حالتها دابا خطيرة وخاصها عناية شديدة.
وقال بللي واحد من الاقرباء ديالها هو اللي تكفل بيها، واتصل برقم اليقظة الوباىية اللي جاو على وجه السرعة باش يديوها تدير الفحوصات اللازمة، ومن بعد ما خرجات النتائج من معهد باستور تبين الإصابة ديالها.