واش ممكن نمارسو الجنس بلا ما نتعاداو ب"كورونا"؟ بغينا وازة الصحة تجاوب وهي كذبات التسجيل وها اش كيقول العلم: حتى ممارسة الجنس الفموي ما كتعاديش وها للي خاص تجنبو

واش ممكن نمارسو الجنس بلا ما نتعاداو ب"كورونا"؟ هادا جواب كيسولوه لمغاربة. اللي عايش مع مراتو او اللي عايش مع صاحبتو. المهم سؤال مهم فوقت كاين اقبال على المنشطات الجنسية كيف خبراتنا جريدة "الصباح".
دابا وزارة الصحة راها مكلفة حتى بالحالة الجنسية للمغاربة. عوض تجاوب على هاد السؤال دارت رد وقفات فيه عند "ويل للمصلين". مرة اخرى قوداتها فسياستها التواصلية. كانت ناقصة.
الوزارة كذبات فبيانها التسجيل الصوتي اللي كيدور على مواقع التواصل الاجتماعي، وكيقول مولاه أنه يشتغل كأخصائي في التحاليل المجهرية بمعهد باستور، وبنصح من خلاله الناس بالمعاشرة الجنسية اليومية على فيروس "كورونا".
قالت راه مولاه ما خدامش ف"معهد باستور" وراه فايك نيوز وراه تفتح تحقيق. هاد الشي ما كافيش. فين لكمالة. اش كتقولي كوزراة على سؤال لمغاربة؟
للاسف ما گالو والو. الجواب خاصنا نجيبوه من برا. طبيب ففرنسا ومقدم برنامج معروف ف"الخامسة" كيقول بأن ممارسة الجنس عن الطريق الوضعية ديال 69 مافيهاش خطورة كاع، مشيرا إلى أن هاد الفيروس تنفسي وكيدوز من الفم للفم .
ودعا إلى ممارسة الجنس بشكل عادي وميخاف حتى شي حد. وماشي غير هادشي ممكن حتى ممارسة الجنس الفموي عادي.