ازمة "كورونا" الاجتماعية . 700 الف مصرح بهم فالضمان الاجتماعي علنو باللي فقدو خدمتهم و113 شركة: وقفنا نشاطنا

صندوق الضمان الاجتماعي قالها وجا وزير الشغل محمد امكاز واكدها. 700 الف اجير مصرح به عند الضمان الاجتماعي علنو باللي ضيعو خدمتهم. هاد الرقم كان قل ما مائة الف هادي ايام غير ايام قليلة. وكاينة 113 الف شركة صرحات باللي نشاطها توقف فزمن "كورونا فيروس".
واش الرقم كبير؟ طبعا حقاش حنا يالله عندها شي 3.5 مليون واحد مصرح بيه فالصندوق.
الضمان الاجتماعي كان حدد تاريخ غدا الجمعة 3 ابريل اخر اجل باش كاع الشركات اللي ضررات من كورونا فيروس وكاع الاجراء يصرحو.
نسبة كبيرة من هاد الرقم ديال 700 الف فالنسيج والسياحة.
كاين اللي دار لقوالب وكان عندو امكانية يخلص الناس ديالو على الاقل فشهرين ولكن طلب من مستخدميه اللي ما كيشدوش بزاف ياخدو هاديك 2000 درهم ويكمل ليهم الباقي٬ هي حالات قليلة ولكن خاص اللي يفرشها
دابا الضمان الاجتماعي غادي يدرس كاع هاد 700 الف حالة باش يشوف واش تستحق ولا اللا.