عناصر البوليس تطوعو باش يوكلو القطط فالزناقي ويعتقوهم من الجوع والعطش ففترة الحجر الصحي – تصاور

نشرو نشطاء على مواقع التواصل الاجتماعي صور لمجموعة من رجال الأمن تطوعو باش يوكلو ويشربو القطوط الجايعين فالزناقي، واللي تضررو بزاف بسباب حملة الطوارئ الصحية اللي كاتعرفها البلاد جراء انتشار فيروس كورونا المستجد.
القطوط جاعو وعطشو بحكم أن الناس مابقاتش كتخرج بالزاف من ديورها، وهذشي اللي خلا بعض رجال الأمن يتطوعو باش يعتقوهم من الموت.
وللإشارة فمجموعة من الجمعيات ديال الرفق بالحيوان دارت حملات باش تطعم القطوط والكلاب اللي فالزنقة، وتطلب من الناس باش يخرجو ليهم الماكلة واخا غير حدا البيبان ديال الديور.