مستشار وزير الصحة زاد قودها. كيسوق لمول كلينيك كازا اللي خرق حميمية المرضى وصورهم وخرق الحجر الصحي

كاين ألي كيدير الخير وكيخدم لبلاد في زمن كورونا بلا ميسيق ليه حد خبار، منهم جنود الخفاء والساهرين على حماية الامن الصحي للمغاربة في قانون الطوارئ ،وكاين ألي كيبغي يركب على أيتها حاجة باش يبان في الصوحافة ويدير البوز ويطلع الطونطوندس وينعس مع مخو ناشط واخا راه غير كيخور.
هاد شي دارو الدكتور الحسن التازي الذي حرص على تشغيل فريق قام بتعميم دعوة «لتغطية وقائع التعافي الكامل لأربعة أشخاص، ومغادرتهم بشكل جماعي لمصحة أنوال، التي تلقوا فيها العلاج، والتي وضعها الدكتور التازي، رهن إشارة وزارة الصحة، للتكفل بالمرضى المصابين بفيروس كورونا »
الدعوة تتحدث عن «مغادرة 4 حالات الحالات الأربع التي تعافت، ستتم يوم الأربعاء 15 أبريل 2020، على الساعة الثانية عشرة والنصف 12.30 ظهرا، وستكون مناسبة لتحية المتعافين والأطر الصحية، وتوجيه رسائل للتوعية بأهمية الوقاية، والحث على روح التضامن التي تجمع المغاربة قاطبة.»في حين غادر تلاثة فقط وليس أربعة . هاد الفضيحة شارك فيها حفيظ ازهاري مستشار وزير الصحة. فضيحة كبيرة وبزاف.
حضرو كاميرامان وصحافيون وووو ودافعو ورا الحديد اللي دارو باش يصورو مشاهد فيديو يمكنها أن تعطي لمسة عن هذا التظاهرة السيئة للإخراج لأن جميع التدابير الصحية أمام مبني المصحة كانت منتفية بوجود تجمع بشري كبير لنقل لحظة مغادرة المرضي التلاثة للمصحة.
كيفاش الدولة اللي جهزات هاد المصحات وهو كيبان. حاجة اخرى واش هاد اللي تعافاو ما عندهم الحق فعدم الكشف عن وجوههم. كيفاش تجيبو رب العالمين باش يصوروهم. راها فضايح كثيرة