واخير كاع العالم تاحد لهزم كورونا فيروس. منظمة الصحة العالمية طلقات عملية تاريخية باش يلقاو ڤاكسان ضد كوفيد 19 بلا الصين ولا حتى ميريكان وفيه القطاع الخاص وشخصيات عالمية: خاصنا لقاح لكلشي بدعم كلشي

كلش العالم كيقلب على اللقاح ضد "كورونا فيروس".منظمة الصحة العالمية خرجات بصورة خايبة. دول كتاهمها بمحاباة الصين بحال امريكا وحتى دول غربية. اليوم طلقات هاد المنظمة ما سمته "مبادرة تاريخية" فيها شخصيات عالمية فيها القطاع الخاص.
المبادرة علنات عليها الامم المتحدة اللي تابعة ليها منظمة الصحة العالمية بشراكة مع القطاع الخاص. وقال رئيس منظمة الصحة العالمية الاثيوبي تيدروس أدانوم غيبريسوس في ندوة صحافية افتراضية باللي هادا "تعاون تاريخي لتسريع تطوير وإنتاج وتوزيع متكافئ للقاحات والفحوص التشخيصية والعلاجات ضد كورونا فيروس"رئيس منظمة الصحة العالمية اضاف "التزامنا المشترك هو نضمنو حصول كاع الناس على جميع الادوات باش نربحو باش نهزمو "كوفيد 19"
هاد الحدث حضر ليه رئيس فرانسا والمستشارة الالمانية ورئيس جنوب افريقيا ورئيسة المفوضية الأوروبية أورسولا فون دير لاين ومليندا غيتس من مؤسسة بيل ومليندا غيتس الخيرية وطبعا الأمين العام للأمم المتحدة أنطونيو غوتيريس كمتحدث، بالإضافة إلى قادة عالميين مثل المستشارة الألمانية أنغيلا ميركل ورئيس جنوب أفريقيا سيريل رامافوزا.
ما كاين لا الصين لا ميريكان فهاد الشي تقصاو بجوج،
الامين العام الاممي قال باللي العالم كيواجه عدو عالمي لا مثيل له. وخاص كلشي يدير جهدو فهاد الحدث وخاص لقاح وعلاجات. لقاح للجميع ماشي لدولة