أزمة "كورونا": المغرب مهدد بفقدان السيادة بسبب "العملة الصعبة"..وبنشعبون كيحذر من الأسوأ

المغرب مهدد بفقدان السيادة ديالو المالية في حالة فقد مخزون ديالو من العملة الصعبة، هادشي أشار ليه وزير الاقتصاد والمالية.
بنشعبون قال في لقاء لجنة المالية بمجلس النواب اليوم، إنه في حالة استمرار الحجر الصحي المغرب غادي يكون مشكل كبير، خصوصا أن هناك تراجع كبير في السياحة أو تحويلات المغاربة بالخارج والاستثمارات الخارجية راه.
وأوضح المتحدث :"الى طال الحجر الصحي مشكل كبير، لأن موارد العملة الصعبة هي الاهم"، مضيفا :"الحفاظ على واحد المستوى من ديال العمل الصعبة مهمة للحفاظ على سيادة البلاد".
وتابع بنشعبون :"ممكن نضبرو امورنا بالدرهم ونتاخدو القرارات السيادية ديالنا، ولكن العملة الصعبة خصك تجيبها وباش تجيبها".
وكشف الوزير عن معطيات صادمة تتعلق بهبوط تحويلات المغاربة المقيمين بالخارج، ب10 المائة، أي العملة الصعبة كلات العصا،وانخفاض حجم الواردات بنسبة 43 في المائة مقابل انخفاض مهول للصادرات بنسبة 80 في المائة.
وعن سبب لجوء المغرب لهاد الاقتراض الخارجي فهاد الظرفية، قال المسؤول الحكومي ل"كود": "المغرب دبا عندو 5 أشهر من مخزون العملة الصعبة، ديال الواردات، ولكن مخصوش يدخل فيهوم داكشي لاش مشا للاقتراض الخارجي، باش يجيب العملة الصعبة باش يخلص الواردات ديالو من الأدوية وقمح وغاز وكاع داكشي لي كنستوردوه لي أساسي".