الحصيلة الوبائية لفيروس كورونا هاد 24 ساعة. 199 حالة جديدة.. وصلنا فالمجموع ل 5910 حالة و 186 ماتو و2461 براو

علنات وزارة الصحة، اليوم السبت 9 ماي، على تسجيل 199 إصابة جديدة بفيروس كورونا المستجد فهاد 24 ساعة الأخيرة، وبلغ عدد الإصابات فالمجموع 5910 مصاب.
وقال محمد اليوبي، مدير مديرية الأوبئة ومحاربة الأمراض، فندوة الحصيلة الوبائية لفيروس مورونا المستجد، اليوم مع الربعة، بللي الحالات الجديدة مازال كيتم اكتشافها عن طريق عملية التتبع الصحي للمخالطين، واللي كيشكلو نسبة 82 فالمية من مجموع الإصابات ديال هاد النهار.
وكشف اليوبي ان 53 فالمية من المصابين بالفيروس ذكور، و47 فالمية إناث.
ووضح اليوبي ان عدد الحالات اللي فالإنعاش انخفض بشكل ملموس، بحيت صبحات نسبة اللي وضعيتهم حرجة 2 فالمية فقط، اما الناس اللي الأعراض ديالهم بسيطة أو ماعندهمش أعراض فكتبلغ نسبتهم 89 فالمائة.
وبخصوص السبب اللي كيخلي عدد الإصابات بالفيروس مرتفع، فسر اليوبي انه مازال كاينين بؤر عائلية ومهنية، وهادشي كيمنع عدد الإصابات اليومية بنخافض.
أما بالنسبة للوفيات، فما تسجلات حتى حالة وفاة جديدة اليوم، واستقر مجموع الحالات ف186، بنسبة مئوية للإماتة ديال 3,1 فالمائة.
وبالنسبة لحالات التعافي، تسجلات 137 حالة جديدة، ليصبح الإجمالي هو 2461، أي بنسبة 41,6 فالمائة من عدد المصابين.
ولحد الساعة، استبعدات الوزارة 57149 إصابة بالفيروس بعد نتائج مخبرية خرجات سلبية.
وهذا توزيع الحالات حسب الجهات بالنسبة المئوية: