تونس متحكمة فالوضعية الوبائية لفيروس كورونا.. لليوم الخامس مسجلات حتى إصابة أو وفاة

علنات تونس، صباح اليوم الجمعة، بللي ماسجلات حتى إصابة جديدة أو وفاة بفيروس كورونا المستجد من نهار الاثنين 11 ماي، يعني هذي خمس أيام.
وقالت وزارة الصحة التونسية، فبلاغ ليها، بللي عدد الإصابات استقر ف1032 حالة، واستقر عدد الوفيات ف45 وفاة.
وفالمقابل، علنات الوزارة، بللي وصل عدد اللي تشافاو ل770 واحد، يعني كثر من 75 فالمية من مجموع حالات الإصابات المسجلة فتونس حتى لليوم.
وأكدات وزارة الصحة التونسية بللي دارت لحد الساعة 34 ألف و323 تحليل مخبري على الفيروس، ودعات جميع المصابين والمخالطين واللي جاو من برا باش يلتزمو بالحجر الصحي الذاتي، أو فأماكن خصصاتهاتونس لهذ الغرض.
وغير 5 ديال المصابين اللي كيتعالجو من كورونا فالسبيطارات التونسية من أصل 217 حالة مازال مصابة بالفيروس.